«Tottenxem» himoyachisi Mikki van de Ven jamoaning Angliya chempionatidagi mavsumni boshlashi haqida fikr bildirdi.

Londonliklar dastlabki ikki turda «Brentford»ga 0:3 va «Nyukasl»ga 0:2 hisobida mag‘lub bo‘ldi.

«Menimcha, bizda ko‘plab sifatli futbolchilar bor va siz aytganingizdek, buning ayrim belgilarini allaqachon ko‘rish mumkin. Biz ko‘plab ijobiy jihatlarni ajratib olishimiz mumkin. Endi ularni yanada yaxshilashimiz va buning ustida juda qattiq ishlashimiz kerak.

«Nyukasl»ga qarshi o‘yinda ko‘plab vaziyatlar yaratdik va to‘pga ko‘p egalik qildik. Ammo keyin ular gol urishdi va shu paytda bizning ruhiy holatimiz biroz tushib ketgandek bo‘ldi. Menimcha, bu ham ishlashimiz kerak bo‘lgan jihatlardan biri.

Jamoaga ko‘plab yangi futbolchilar qo‘shildi, shuning uchun ko‘p narsa o‘zgarmoqda. Maydonda bir-birimizga moslashishimiz kerak. Bu so‘nggi ikki o‘yindagi natijalar uchun bahona emas, ammo yaxshilashimiz kerak bo‘lgan jihat. Bir-birimizni tobora yaxshiroq tushunishimiz kerak va bu ehtimol biroz vaqt oladi.

Lekin biz buni imkon qadar tezroq amalga oshirishni va imkon qadar yaxshi o‘ynashni xohlaymiz. Hozir eng muhimi shu.

Oldinda ko‘plab o‘yinlar bor. Menimcha, bugungi o‘yindan ko‘plab ijobiy jihatlarni olishimiz mumkin va vahimaga tushishimiz shart emas. Chunki avval aytganingizdek, biz ajoyib futbol o‘ynagan lahzalar bo‘ldi. Endi o‘yin oxirida natijalar ham ijobiy bo‘lishini ta’minlashimiz kerak», dedi futbolchi.