"Manchester Yunayted" sardori Brunu Fernandesh Angliya Premyer-ligasida "Ipsvich"ga qarshi o‘yin qahramoni bo‘ldi. Mankunianliklar 5:2 hisobida g‘alaba qozongan bahsda portugaliyalik yarim himoyachi xet-trik qayd etdi.
Fernandesh 40, 61 va 68-daqiqalarda raqib darvozasini ishg‘ol qildi. Shuningdek, 82-daqiqada Brayan Mbeumoning goliga uzatma berdi.
The Touchline ma’lumotiga ko‘ra, bu Brununing "Manchester Yunayted" safidagi uchinchi xet-trigi bo‘ldi. Shu tariqa, u ushbu ko‘rsatkich bo‘yicha vatandoshi Krishtianu Ronalduga tenglashdi — har ikki futbolchi hisobida uchtadan xet-trik bor.
Fernandesh avval 2021 yil avgustda APL doirasida "Lids"ga, 2025 yil martda esa Yevropa ligasida "Real Sosyedad"ga qarshi uchtadan gol urgan.
Portugaliyalik futbolchi 2020 yil boshidan buyon "Manchester Yunayted" sharafini himoya qilib kelmoqda.
