Hujumchi Franchesko Espozito hozirgi klubi — Milanning «Inter» jamoasi bilan hamkorligini uzaytirishga yaqin turibdi. Bu haqda jurnalist Nikolo Skira ijtimoiy tarmoqlarda xabar berdi.

Insayder ma’lumotiga ko‘ra, tomonlar 1 sentyabr, seshanba kuni 2031 yilga qadar mo‘ljallangan uzoq muddatli shartnomani imzolaydi. Futbolchining yillik maoshi 3 million yevroni tashkil etadi va bunga qo‘shimcha ravishda bonus to‘lovlari ham ko‘zda tutilgan.

21 yoshli hujumchi 2023 yil yozidan buyon «Inter» safida to‘p tepib kelmoqda. Uning amaldagi shartnomasi 2030 yil iyun oyi oxirida o‘z nihoyasiga yetadi. Futbolchining bozor qiymati 45 million yevroga baholanmoqda.

Yangi A Seriya mavsumida Espozito 2 ta uchrashuvda maydonga tushib, 1 ta gol urdi va 1 ta golli uzatmani amalga oshirdi.