«Chelsi» vingeri Mixail Mudrik joriy mavsumni «Tottenxem» safida ijara asosida o‘tkazadi.

Avvalroq tomonlar o‘rtasida kelishuv to‘liq amalga oshirilgani ma’lum bo‘lgan edi. Insayder Fabrisio Romano qo‘shimcha qilishicha, «shporlar» 25 yoshli futbolchini keyinchalik 75 million funt sterlingga, ya’ni taxminan 87,5 million yevroga to‘liq sotib olish huquqiga ega bo‘ladi.

Ushbu band ijara shartnomasiga kiritilgan, biroq «Tottenxem» uni faollashtirishga majbur emas.

Mixail Mudrikning diskvalifikasiyasi iyul oyi oxirida yakunlangan. Ukrainalik futbolchi ijobiy doping-test sabab bir yarim yildan ortiq vaqt maydonga tushmagan edi.

«Chelsi» Mudrikni 2023 yil boshida Doneskning «Shaxtyor» klubidan 70 million yevro evaziga xarid qilgan.