«Atalanta» yozgi transfer oynasining so‘nggi kunida bir yo‘la ikki yangi futbolchini o‘z safiga qo‘shdi.

Bergamo klubi «Bolonya» vingeri Jonatan Rouni ijaraga oldi. Kelishuvga futbolchini keyinchalik sotib olish huquqi ham kiritilgan va muayyan shartlar bajarilsa, bu band majburiy tus oladi.

Sky Sport Italia ma’lumotiga ko‘ra, «Atalanta» Rouning ijarasi uchun 5 million yevro to‘laydi. Futbolchini to‘liq sotib olish esa yana 30 million yevroga tushadi. Bundan tashqari, bitimda 5 million yevrogacha bonuslar ham ko‘zda tutilgan.

Shu tariqa, transferning umumiy qiymati 40 million yevrogacha yetishi mumkin.

Rou o‘tgan mavsum A Seriyada 28 ta o‘yin o‘tkazib, 3 ta gol urdi va 2 ta golli uzatmani amalga oshirdi.

«Atalanta» shuningdek, «Kozensa»ning 20 yoshli darvozaboni Tomas Pompeyni ham o‘z safiga qo‘shdi.