"Arsenal"ning sobiq futbolchisi Emmanuel Peti "PSJ" va Gruziya terma jamoasi hujumkor yarim himoyachisi Xvicha Kvarasxeliyaning bu yilgi "Oltin to‘p" uchun imkoniyatlari haqida fikr bildirdi.
"Agar jahon chempionatini sovrin egasini aniqlashda asosiy mezon deb hisoblasak, bu Xvicha kabi futbolchilarga nisbatan adolatsiz munosabat bo‘ladi.
Kvarasxeliya Gruziya terma jamoasi bilan hech qachon jahon chempionligini qo‘lga kirita olmasligi mumkin. U milliy jamoada hech narsa yutmagan futbolchilar ro‘yxatiga kirib qolishi ehtimol, chunki atrofida bunga mos darajadagi sheriklar bo‘lmasligi mumkin", — dedi Peti RMC Sport'ga.
O‘tgan mavsumda Xvicha "PSJ" bilan Fransiya chempioni bo‘ldi va Chempionlar ligasida g‘olib chiqdi.
