Milanning «Inter» klubi himoyachisi Federiko Dimarko Chempionlar ligasida «Real»ga qarshi bo‘lajak uchrashuvda ishtirok etishi mumkin. Bu haqda OneFootball xabar berdi.

Avvalroq 28 yoshli futbolchi jarohat olgani va «Real»ga qarshi o‘yinni o‘tkazib yuborishi mumkinligi haqida xabarlar tarqalgan edi.

Biroq manba ma’lumotiga ko‘ra, Dimarko «Inter»ning o‘yinoldi mashg‘ulotida ishtirok etgan. Ehtimol, himoyachi «Real»ga qarshi bahs uchun qaydnomaga kiritiladi, ammo katta ehtimol bilan uchrashuvni asosiy tarkibda boshlamaydi.

«Real» va «Inter» o‘rtasidagi Chempionlar ligasining birinchi tur uchrashuvi 8 sentyabr, seshanba kuni bo‘lib o‘tadi. Uchrashuv Toshkent vaqti bilan 00:00 da boshlanadi.