Dortmundning «Borussiya» klubi himoyachisi va sardori Valdemar Anton Chempionlar ligasi umumiy bosqichi starti oldidan jurnalistlar bilan muloqot qildi. 1-turda dortmundliklar «Vilyarreal»ga qarshi maydonga tushadi.

«Bu o‘yinni juda katta intiqlik bilan kutyapmiz. Chempionlar ligasida o‘z maydoningda o‘ynash — har bir futbolchi uchun alohida voqea. O‘tgan mavsum ortda qoldi. Endi oldinga harakat qilishimiz va ertaga birinchi qadamni tashlashimiz kerak», — deya Antonning so‘zlarini UYEFA rasmiy sayti keltirdi.

Shuningdek, u jamoadoshi Seru Girassi haqida ham fikr bildirdi.

«Men Girassini juda uzoq vaqtdan beri bilaman. U hozirgidan ham yaxshiroq o‘ynay oladi. U biz uchun juda muhim futbolchi», — dedi Anton.

O‘tgan mavsumda 30 yoshli gvineyalik hujumchi Bundesligada 33 ta o‘yinda 17 ta gol urgan. Joriy mavsumni esa 2 ta uchrashuvda 2 ta gol bilan boshladi.

«Borussiya» — «Vilyarreal» uchrashuvi 8 sentyabr kuni bo‘lib o‘tadi.