«Lill» bosh murabbiyi Davide Anchelotti UYEFA Chempionlar ligasi umumiy bosqichi 1-turida «Betis»ga qarshi o‘tadigan uchrashuvdan nimalar kutayotganini aytdi.

«Betis» 21 yildan beri Chempionlar ligasida ishtirok etmagan, ammo uning tarkibida tajribali va texnik mahorati yuqori futbolchilar ko‘p. Jamoaning o‘yin falsafasi juda aniq: ular to‘pni nazorat qilishga intiladi va hujumkor futbol namoyish etadi.

Ular bu yerda ishtirok etishga munosib va yevrokuboklarda o‘ynashga odatlangan. «Betis» bilan bizning o‘xshash tomonlarimiz bor. Ular hujumkor jamoa, shu bilan birga, himoyada ham ishonchli tizimga ega.

Biz bu yerdamiz, chunki klub o‘tgan mavsumda juda yaxshi ish olib bordi va jamoa ushbu musobaqada ishtirok etishga haqli ekanini isbotladi. Endi Chempionlar ligasidagi o‘rnimizga munosib ekanimizni ko‘rsatmoqchimiz.

Musobaqada qanchalik uzoqqa bora olishimizni bilmayman. Ammo bir narsaga ishonchim komil: har qanday maydonda istalgan raqibga qarshi kurashamiz. Maqsadimiz — ushbu turnirda so‘nggi imkoniyatgacha yuqori darajada raqobat qilish. Yo‘limiz qachon yakunlanishini bilmaymiz, ammo musobaqani aynan shunday kayfiyatda boshlayapmiz», — dedi Anchelotti.

«Lill» — «Betis» uchrashuvi 8 sentyabr kuni bo‘lib o‘tadi.