Vinisius Junior «Inter»ga qarshi uchrashuvda darvozaga birorta ham aniq zarba bera olmadi.
Chempionlar ligasi umumiy bosqichi 1-turida «Real» 2:1 hisobida g‘alaba qozondi. Vinisius madridliklar safida asosiy tarkibda maydonga tushdi va 87-daqiqada almashtirildi.
Braziliyalik futbolchi uchrashuv davomida ikki marta darvoza tomon zarba berdi, ammo ularning birortasi nishonga bormadi. Zarbalariga bir marta raqib futbolchisi to‘siq qo‘ydi.
Shuningdek, Vinisius 4 marta dribling ishlatishga urindi va ularning 2 tasi muvaffaqiyatli chiqdi. U 30 ta uzatmadan 24 tasini aniq yetkazib, 80 foizlik ko‘rsatkich qayd etdi.
Qolaversa, vinger 9 marta to‘pni qayta egallab oldi va ikki marta to‘pni olib qo‘yishga harakat qildi. Har ikki urinish ham muvaffaqiyatli yakunlandi.
