«Inter» himoyachi Federiko Dimarko bilan shartnomani yana bir mavsumga uzaytirish borasidagi bandni faollashtirdi.

Shu tariqa, 28 yoshli italiyalik futbolchining klub bilan amaldagi shartnomasi 2028 yil 30 iyunga qadar uzaytirildi. Bu haqda Goal.com xabar berdi.

Madridda «Inter»ning yangi sport direktori Dario Bachchin va Dimarkoning agenti Arturo Kanales o‘rtasida uchrashuv bo‘lib o‘tdi. Tomonlar futbolchining klubdagi kelajagi va keyingi rejalarni muhokama qilgan.

Dimarko avvalroq «Inter»da butun faoliyati davomida qolish istagini ochiq bildirgan edi. Shu bilan birga, u o‘tgan mavsumdagi muvaffaqiyatli o‘yinlari inobatga olinib, shartnoma shartlari yaxshilanishini kutmoqda. Italyan himoyachisi o‘tgan mavsumda jamoasiga ikki sovrinni qo‘lga kiritishda yordam bergan.

Klub rahbariyati Dimarkogo uzoq muddatli yangi shartnoma taklif qilishga tayyor. Maoshni sezilarli darajada oshirish rejalashtirilmagan, ammo futbolchining shaxsiy va jamoaviy bonuslari bo‘yicha shartlar yaxshilanishi kutilmoqda.