"Aston Villa" yozgi transferlar uchun 300 million yevrodan ortiq mablag‘ sarflaganiga qaramay, yangi mavsumni omadsiz boshladi.
Unai Emeri shogirdlari Angliya Premyer-ligasining 4-turida o‘z maydonida "Nottingem Forest"ga 1:2 hisobida mag‘lub bo‘ldi.
Bunga qadar Birmingem klubi "Brayton"ga 0:4, "Arsenal"ga 0:1 hisobida yutqazgan, "Xall" bilan esa 0:0 hisobida durang o‘ynagan edi.
Shu tariqa, "Aston Villa" 4 turdan keyin atigi 1 ochko jamg‘arib, turnir jadvalida 19-o‘rinda bormoqda va xavfli zonada joylashgan. "Fulxem"da ham 1 ochko bor, ammo to‘plar nisbati yaxshiroq. "Koventri" esa 3 o‘yindan keyin ochkosiz qolmoqda va zaxirada bitta uchrashuvga ega.
"Aston Villa" yozgi transferlar oynasida 300,2 million yevro sarfladi. Klub 25 million yevro va undan yuqori narxga 7 nafar futbolchini xarid qildi. Eng qimmat transfer "Frayburg"dan 60 million yevroga olingan Yoan Manzambi bo‘ldi.
12 avgust kuni "Aston Villa" Yevropa Superkubogida "PSJ"ga 1:2 hisobida mag‘lub bo‘lgan edi. Jamoaning joriy mavsumdagi yagona g‘alabasi Chempionlar ligasi umumiy bosqichining 1-turida "Bryugge" ustidan 3:2 hisobida qayd etilgan.
19 sentyabr kuni "Aston Villa" APL 5-turida safarda "Tottenxem"ga qarshi maydonga tushadi.
