Ilgari «Liverpul»da to‘p surgan «Tottenxem»ning chap qanot himoyachisi Endryu Robertson «Manchester Siti» haqidagi yangiliklarga izoh berdi.

Mustaqil komissiya «shaharliklar»ni moliyaviy qoidalarni buzish bo‘yicha 115 ta banddan 114 tasida aybdor deb topdi. Klubni qanday jazo kutayotgani hozircha noaniq, ammo eng og‘ir variantlar – sezilarli darajada ochkolarni olib tashlash va Premyer-ligadan chetlatishgacha bo‘lgan choralar istisno qilinmayapti.

«Manchester Siti» futbolchilari maydonda yetarlicha kuchli ekanliklarini ko‘rsatishdi. Men ayblovlar va shu kabi masalalarning tafsilotlariga unchalik chuqur kirishib o‘tirmadim, lekin ularda men kurashishni yaxshi ko‘radigan ajoyib jamoa bor edi. Bunday narsalar haqida gap ketganda futbolchilarning hech qanday aybi yo‘q. Men ayta oladigan yagona narsa shu», – dedi Robertson City Report nashriga.

Tarkibida shotlandiyalik futbolchi bo‘lgan «Liverpul» APLda «shaharliklar»dan keyin ikki marta ikkinchi o‘rinni egallagan edi.