WTA yangi haftalik reytingni e’lon qildi. Unda O‘zbekiston nomidan ishtirok etayotgan tennischilar orasida muhim o‘zgarish qayd etildi.

Portugaliyaning Portu shahridagi WTA 125 turnirida chempion bo‘lgan Mariya Timofeeva reytingda birdaniga 20 pog‘ona yuqoriladi. U 989 ochko bilan 68-o‘ringa ko‘tarilib, O‘zbekistonning yangi birinchi raketkasiga aylandi.

Kamilla Rahimova 929 ochko bilan 76-pog‘onada joylashgan. Polina Kudermetova esa 728 ochko bilan 104-o‘rinni egallab turibdi.

Qolgan o‘zbekistonlik tennischilar reytingda biroz pastladi. Laima Vladson 574, Sevil Yuldasheva 1022, Milana Maslenkova 1355, Vlada Yakshibarova 1477 va Darya Shubina 1481-pog‘onada qayd etilgan.

O‘zbekistonlik tennischilarning WTA reytingidagi o‘rni:

68. Mariya Timofeeva — 989 ochko

69. Kamilla Rahimova — 929 ochko

70. Polina Kudermetova — 728 ochko

71. Laima Vladson — 84 ochko

72. Sevil Yuldasheva — 20 ochko

73. Milana Maslenkova — 10 ochko

74. Vlada Yakshibarova — 4 ochko

75. Darya Shubina — 4 ochko

Jahon reytingi kuchli o‘ntaligida esa o‘zgarish bo‘lmadi. Qozog‘istonlik Yelena Ribakina 9901 ochko bilan yetakchilikni saqlab qoldi. Arina Sabalenka ikkinchi, Jessika Pegula esa uchinchi o‘rinda bormoqda.

WTA top-10:

1. Yelena Ribakina — 9901 ochko

2. Arina Sabalenka — 7810

3. Jessika Pegula — 7265

4. Koko Goff — 7244

5. Mirra Andreeva — 5841

6. Linda Noskova — 5328

7. Elina Svitolina — 4809

8. Karolina Muxova — 4683

9. Iga Shvyontek — 4119

10. Marta Kostyuk — 4040