«Pari Sen-Jermen» «Barselona»ning chap qanot himoyachisi Alexandro Baldeni o‘z safiga qo‘shib olish imkoniyatini ko‘rib chiqmoqda.

Parijliklarning 22 yoshli futbolchiga qiziqishi haqida avval ham xabar berilgan edi. Jurnalist Ekrem Konur ma’lumotiga ko‘ra, «PSJ» ispaniyalik futbolchi uchun 40 million yevro taklif qilishga tayyor.

Shuningdek, Balde bilan bog‘liq vaziyatni «Liverpul», «Manchester Yunayted», «Chelsi» va Milanning «Inter» klublari ham kuzatib bormoqda.

«Barselona» bosh murabbiyi Xans-Diter Flik Baldega unchalik ishonch bildirmayapti. Joriy mavsumda himoyachi bor-yo‘g‘i bir marta maydonga tushgan — u La Liga doirasida «Rasing»ga qarshi 7:2 hisobida yakunlangan uchrashuv so‘ngida zaxiradan o‘yinga qo‘shilgan.

Transfermarkt portali mutaxassislari Baldening bozor qiymatini 50 million yevroga baholamoqda.