Franko Mastantuono Argentina terma jamoasining Boliviyaga qarshi 4:0 hisobidagi o‘rtoqlik uchrashuvida zaxiradan maydonga tushdi.

«Real»dan «Fiorentina»ga ijara asosida o‘tgan vinger Italiyadagi faoliyatini juda yaxshi boshlaganidan so‘ng ushbu xalqaro tanaffusda yana milliy jamoa safiga chaqirildi.

19 yoshli futbolchi jahon chempionati uchun tarkibdan chetda qolish unga og‘ir botganini yashirmadi. Shu bilan birga, u terma jamoadagi yangi bosqichda unga imkoniyat berayotgan bosh murabbiy Lionel Skaloniga minnatdorlik bildirdi.

«Jahon chempionati tarkibidan chetda qolish og‘ir. Ammo men doimo jamoadoshlarimni qo‘llab-quvvatlayman va Argentina yaxshi natija ko‘rsatishini istayman.

Ular ajoyib jahon chempionatini o‘tkazishdi va barcha argentinaliklarni faxrlantirishdi. Endi esa men yangi jarayonning boshlanishi haqida o‘ylayapman. O‘zimni yaxshi his qilyapman va imkoniyatga ega bo‘lishim mumkin.

U menga maydonda juda katta erkinlik beradi va buning uchun undan minnatdorman. Italiyaga borib, hayotimda biroz o‘zgarish qilganimdan buyon o‘zimni juda yaxshi his qilyapman», — dedi Mastantuono.