"Barselona" himoyachisi Jyul Kunde ayni paytda o‘zining odatiy darajasida o‘ynamayotganini tan oldi. Shu sababli u ham klubida, ham Fransiya terma jamoasida zaxira o‘rindig‘ida qolmoqda.
"Jismoniy jihatdan o‘zimni juda yaxshi his qilyapman, sog‘ligim bilan bog‘liq hech qanday muammo yo‘q. Agar o‘ynamayotgan bo‘lsam, demak, bu murabbiyning qarori. Ehtimol, hozir o‘z imkoniyatlarimdan ancha past darajada harakat qilayotgandirman.
Men bu vaziyatni qabul qilaman va kerakli formamni qaytarish uchun ishlashda davom etaman", — deya Kundening so‘zlarini derbyderbyderby.it keltirdi.
Eslatib o‘tamiz, Kunde 2022 yildan buyon "Barselona" sharafini himoya qilib kelmoqda.
