Lionel Messi Argentina terma jamoasi safidagi xayrlashuv uchrashuvidan so‘ng jurnalistlar bilan suhbatlashdi. Beninga qarshi 3:0 hisobida yakunlangan bahsda 39 yoshli futbolchi bitta gol urdi va ikkita golli uzatmani amalga oshirdi.
"Hozir biror narsa deyish men uchun juda qiyin, chunki his-tuyg‘ular meni qamrab olgan. 20 yil davomida bu libosni kiyish men uchun katta sharaf bo‘ldi.
Hatto eng qiyin davrlarda ham kurashishda davom etdim, jamoa uchun har doim borimni berdim. Terma jamoadan ketish menga qattiq og‘riq bermoqda. Men bu jamoada butun umrim davomida o‘ynashni istardim", — deya 39 yoshli futbolchining so‘zlarini TyC Sports keltirdi.
Lionel Messi Argentina terma jamoasi safida jami 208 ta uchrashuv o‘tkazdi. Uning hisobida 126 ta gol va 69 ta golli uzatma bor.
