Кириш Регистрация
21/09 16:00 Вильярреал 2-0 Вальядолид
21/09 16:00 Ахмат 1-1 Крилья Советов
21/09 16:30 Лестер 2-1 Тоттенҳэм
21/09 18:00 Металлург 1-2 Пахтакор
21/09 18:00 Сўғдиёна 0-0 Навбаҳор
21/09 18:00 Удинезе 0-1 Брешиа
21/09 19:00 Леванте 0-0 Эйбар
21/09 19:00 Бёрнли 2-0 Норвич Сити
21/09 19:00 Манчестер Сити 8-0 Уотфорд
21/09 19:00 Эвертон 0-2 Шеффилд Юнайтед
21/09 21:00 Ювентус 2-1 Верона
21/09 21:00 Тамбов 2-1 Ростов
21/09 21:00 Зенит 5-0 Рубин
21/09 21:30 Атлетико 0-0 Сельта
21/09 21:30 Ньюкасл 0-0 Брайтон
21/09 23:45 Милан 0-2 Интер
21/09 23:59 Гранада 2-0 Барселона
22/09 15:00 Хетафе - Мальорка
22/09 15:30 Сассуоло - СПАЛ
22/09 17:00 Эспаньол - Реал Сосьедад
22/09 18:00 Бунёдкор - Қизилқум
22/09 18:00 Насаф - Бухоро
22/09 18:00 Болонья - Рома
22/09 18:00 Лечче - Наполи
22/09 18:00 Сампдория - Торино
22/09 18:00 Вест Хэм - Ман. Юнайтед
22/09 18:00 Кристал Пэлас - Вулверҳэмптон
22/09 19:00 Валенсия - Леганес
22/09 20:30 Арсенал - Астон Вилла
22/09 20:30 Челси - Ливерпуль
22/09 21:00 Аталанта - Фиорентина
22/09 21:30 Атлетик Бильбао - Алавес
22/09 23:45 Лацио - Парма
22/09 23:59 Севилья - Реал Мадрид

Блог

Олимхўжа Бўронов

Мундиал яқин!

Непалга аччиқ қилиб...

Баҳо:
+1; -0

2000 йилда туғилган Темур Алимхўжаев бошчилигидаги Ўзбекистон ўсмирлар (U14) терма жамоаси Осиё чемпионатида иштирок этишдан бош тортди. Очиғини айтсам, бу хабарга кўзим тушган заҳоти Федерациянинг бу қарори менга ёқмади.

Кейин эса менга тушунтиришди: "Непалда аҳвол оғир, шароит йўқ, 13-14 ёшли фарзандларимиз у ёқда касал бўлиб қолишади, уларни асрашимиз керак." Тушунгандек бўлдим. Аммо бизни ОФК тушунармикан?

Келинг, бундай ҳолатлар юзасидан мусобақа регламенти нима дейиши билан танишамиз.

ОФКнинг U14 чемпионати-2014. Регламент.
20-модда. Мусобақадан чиқиб кетганлик учун жазо чоралари ва уларни бошқа жамоа билан алмаштириш ҳақида

a) Ассоциация вакиллари мусобақанинг барча ўйинларида иштирок этишлари шарт

b) Ассоциация вакили мусобақада иштирок этишдан бош тортса ёки улар мусобақадан четлаштирилса, уларнинг ўрнига бошқа терма жамоа мусобақага қўйилиши мумкин. Бу ҳақда ОФКнинг мусобақаларни ўтказиш қўмитаси қабул қилади. Зарур ҳолатда мусобақанинг ўтказиш тизимига ҳам ўзгартириш киритилиши мумкин.

c) Агар Ассоциация мусобақа бошланганидан кейин турнирда иштирок этишдан бош тортса, ўйинга келмаса, мусобақани қайсидир босқичидан тарк этса ёки ўйинни охирига етказмай, стадионни тарк этса (ОФК томонидан тан олинган форс-мажор ҳолатлари бундан мустасно):

i. жамоа мусобақадан четлаштирилган ҳисобланади;
ii. жамоанинг барча натижалари бекор қилинади (очколар, урилган ва ўтказиб юборилган голлар мусобақа жадвалини тузишда ҳисобга олинмайди);
iii. Ассоциация барча харажатларни — рақиб жамоа харажатлари, ОФК ва унинг тижорий ва телевизион ҳамкорлари харажатларини тўлаб беришга мажбур. Компенсация суммасини ОФК Ижроқўми белгилайди;
iv. Жамоа ОФКнинг кейинги шундай мусобақасидан дисквалификация қилинади (шунингдек, унинг саралаш баҳсларидан ҳам);
v. жамоа мусобақанинг финал босқичидан ҳам четлаштирилади, агар у саралашдан ўтган бўлса;
vi. Жамоанинг иши ОФКнинг Тартиб-интизом қўмитасига такдим этилади. Бу қўмита жазо ва жарима чораси юзасидан ўз қарорини ОФК Ижроқўмига тақдим этади;
vii. ОФК томонидан бошқа мусобақалар учун ушбу ассоциацияга тўланадиган молиявий маблағ тўхтатилиши мумкин;
viii. ОФК Ижроқўми ушбу ассоциацияга нисбатан жазо муддатини узайтириши мумкин;

d) ОФК мусобақаларни ўтказиш қўмитаси зарур ҳолларда ушбу ассоциацияга нисбатан ҳар қандай чорани қўллаши мумкин.


Регламентнинг с)-банди "мусобақа бошланганидан кейин", деб номланган бўлса-да, буни "қуръа ташлангандан кейин" деб ҳам талқин қилиш мумкин. Боиси, мезбон жамоа номи аниқланган ва тақвим тасдиқланган.

Энг ёмони, с)-бандининг iv-қисмига кўра, терма жамоа навбатдаги мусобақадан ҳам дисквалификация қилиниши мумкин. Агар ОФК Ўзбекистонга нисбатан шундай чора қўллайдиган бўлса, Ўзбекистоннинг навбатдаги ўсмирлар терма жамоасига шунчаки ачинаман. Ахир ҳамма саралаш баҳслари ҳам Непалда бўлавермайдида!

Дарвоқе, Непал. Тушунамиз, шароит ёмон. Аммо нега яхши шароит талаб қилмаймиз? Мисол тариқасида айтиб ўтишим мумкин, ўтган йили Қатар U22 терма жамоаси саралаш баҳсини ўтказиш учун Малайзияга келди ҳамда ОФК ажратган меҳмонхонадан қониқиш ҳосил қилмади ва бошқа меҳмонхона талаб қилди. ОФК эса уларни яхшироқ меҳмонхонага жойлаштирди.

Ёки бўлмаса, гап озиқ-овқат билан боғлиқ бўлса, бир ҳафта давом этадиган саралаш баҳслари учун Тошкентдан етарли озиқ-овқат олиб боришнинг иложи йўқми? ЎФФ ўзининг ҳисобидан ўсмирларимизни яхшироқ меҳмонхонага жойлаштиришнинг иложи йўқми? Муаммонинг ечимини топиш ўрнига энг осон йўлни танладик — шартда "калла"сини олиб ташладик!

Балки, ЎФФ бу терма жамоамизнинг халқаро тажриба тўплаши учун бошқа мусобақаларга юбориши мумкин. Аммо, барибир расмий мусобақа ўрнини ҳеч нарса боса олмайди. Боз устига, келаси йили 14 ёшли йигитлар ўртасидаги мусобақа ўтаётганда, осиёлик мухлислар бўлажак юлдузларнинг ўйинларидан баҳраманд бўлаётганида, Осиёда болалар футболи бўйича олди ўринларда эътироф этиладиган юрт вакиллари эса илк марта ташкил этилган ушбу мусобақа ҳақида тасаввурга ҳам эга бўлишмайди. Ҳозирча ЎФФнинг қарорини яхши ҳис қила олмаймиз, аммо Алимхўжаев йигитчаларининг саралашдан ўтиб олиб, кейинги йилги қитъа чемпионатида жавлон уришларини ким ҳам кузатишни истамасди дерсиз?

ОФК ЎФФнинг талабини қабул қилди ва "С" гуруҳида иштирок этиши лозим бўлган Ўзбекистонни гуруҳдан чиқариб ташлади. ОФК сайтида берилган тақвимда Ўзбекистон йўқ. Ушбу масалани ЎФФ раҳбарияти яна бир марта мулоҳаза қилиб, бош тортиш ҳақидаги аризани қайтариб олар, зора ОФК бизни тушуниб, яна мусобақага қайтарса?!

P.S. Балки мусобақада иштирок этишдан бош тортишнинг бошқа жиддийроқ сабаблари бордир. Агар шундай бўлса, фақат Непални рўкач қилавермасдан, асл сабабини айтишларини сўрардим.

Киритилган сана: 16.03.2013 15:11. Ўкилди: 4333 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


IBRAKADABRA
Сана: 18.03.2013 18:34. IBRAKADABRAга ёзиш
+0; -0
Демак,хакикатан хам болалар футболи,келажак футболи,яна бир бало-бир бало деб бонг ураятган гаплари сафсатадан бошка нарса эмас эканлигини яна бир марта исботлашибди УФФ рахбаряти...

Ушбу фикрга жавобан


KNYAZ
Сана: 17.03.2013 23:46. KNYAZга ёзиш
+0; -0
Маколангиз ажойип чикипти.

Ушбу фикрга жавобан


EDMONDANTES
Сана: 16.03.2013 17:01. EDMONDANTESга ёзиш
+0; -0
Asl sabab pul muammo. 14-yoshli bolakaylar uchun ming-ming dollarni sarflashga Tolibjonovni orqasidan tutun chiqib "enaaaa" devoradi. Usmonov janobi oliylari esa MOQ prezidenti bo'ldilar, Endi Tolibjonov UFFni enasini uyidek his etib istagan ishini qilaveradi.

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.