Кириш Регистрация
20/09 00:00 Севилья 1-3 Барселона
20/09 10:00 Эрон 0-0 Хитой
20/09 12:00 Гонконг 1-5 Таиланд
20/09 15:00 КХДР 0-0 БАА
20/09 15:30 Фиорентина 1-1 Наполи
20/09 15:30 Япония 7-0 Қирғизистон
20/09 17:00 Хетафе 1-0 Малага
20/09 17:15 Андижон 1-4 Насаф
20/09 18:00 Сурхон 1-0 Қўқон-1912
20/09 18:00 Фрозиноне 2-0 Комо
20/09 18:00 Парма 2-1 Женоа
20/09 18:00 Борнмут 0-1 Ливерпуль
20/09 18:00 Лидс 0-0 Кристал Пэлас
20/09 18:00 Манчестер Сити 5-3 Сандерленд
20/09 19:00 Сўғдиёна 1-2 ОКМК
20/09 19:15 Атлетико 2-1 Реал Мадрид
20/09 19:30 Локомотив 0-1 Нефтчи
20/09 20:30 Фулхэм 1-1 Ман. Юнайтед
20/09 21:00 Ювентус 2-0 Аталанта
20/09 21:30 Депортиво 1-1 Бетис
20/09 21:30 Вильярреал 3-1 Леванте
20/09 23:45 Милан 3-0 Лечче
21/09 00:00 Валенсия 2-3 Реал Сосьедад
21/09 20:15 Хоразм 1-3 Қизилқум
22/09 10:00 Вьетнам - Ўзбекистон
22/09 10:00 Филиппин - Кувайт
22/09 15:00 Жанубий Корея - Саудия Арабистони

Блог

Рустам Сулаймонов

Бир чимдим кулгу

Аския (Бедана пайрови)

Баҳо:
+2; -0

БОЛТАВОЙ: Бедананинг уйи йўқ, қайга борса “бит-билдиқ” экан. Бошлаймизми?

ТЕШАВОЙ: Майли, агар сизда ҳаммаси “сип-силлиқ” бўлса бошлайверамиз!

БОЛТАВОЙ: Бедана экансиз, бедана бўлгандаям ҳакамнинг беданаси экансиз. Ҳамма голни муҳокама қилишаётган пайт сиз сайраб қолибсиз: “топ-тоза” деб.

ТЕШАВОЙ: Сиз ҳам ҳакамнинг беданаси экансиз, эгангиз футболчиларга қанақа карточка кўрсатишни билмай турса, сиз деб сайраб тураркансиз: “сап-сариқ” ё “қип-қизил”.

БОЛТАВОЙ: Сиз ПФЛнинг беданаси экансиз, мажлисларда клуб президентлари йиллик режаларини ўқиб эшиттирганда сиз сайраб қоларкансиз: “саф-сата” деб.

ТЕШАВОЙ: Сиз футбол клубининг беданаси экансиз, ОФК коммисияси клубингиз ишларини текширгани келибди. Клуб раҳбарларидан шароитлар ҳақида сўрашса, сиз сотиб қўйибсиз: “даб-дала” деб.

БОЛТАВОЙ: Сиз ҳам шундай бедана экансиз. ОФК комиссияси клуб президентидан стадион майдонининг аҳволини сўраса, сиз ҳам сотиб қўйибсиз: “тап-тақир” деб.

ТЕШАВОЙ: Сиз эса клуб президентининг беданаси экансиз. Бир матбуот анжуманида журналистлар клубингизнинг бюджети ҳақида сўрашса чаққонлик қилиб юборибсиз: “қуп-қуруқ” деб.

БОЛТАВОЙ: Сиз ҳам аҳволи ёмонлашган клубнинг беданаси экансиз. Биронта бойроқ меҳмон келса клубга ҳомийлик қилишини истаб қоларкансиз: “қут-қаринг” деб.

ТЕШАВОЙ: Сиз ҳам матбуот анжуманида “жамоанинг яхши ўйин кўрсатишига нима етишмаяпти?” деган саволга ўзингиз жавоб берворибсиз: “ҳаф-сала!”

БОЛТАВОЙ: Ўзингиз ҳакамнинг беданаси экансиз. Эгангизга пора таклиф қилишибди, поранинг чўғи камроқ эканми ё сизга ёқмабдими, эгангизни қараб “кўп сўранг” дермишсиз.

ТЕШАВОЙ: Сиз назоратчининг беданаси экансиз, ўйиндан олдин тўпнинг дамини текшириб кўрмоқчи бўлса, гап қистирармишсиз: “тап-таранг” деб.

БОЛТАВОЙ: Футбол мухлисининг беданаси экансиз. Эгангиз Ўзбекистон-Япония ўйинига бир йигитдан билет олган экан, сўкиниб-сўкиниб. Орадан анча ўтибди, ўша йигитни кўриб таниб қолиб, сайраворибсиз: “об-сотар!” деб.

ТЕШАВОЙ: Сиз клубнинг беданаси экансиз. Клуб раҳбарлари мухлисларни стадионга киришини бепул қиламиз, деб туришса ақл ўргатибсиз: “чип-таланг!” деб.

БОЛТАВОЙ: : Сиз мухлис бедана экансиз, жамоангиз ютқизиб қўйиб, ҳамма мухлислар аламдан ҳакамни сўкиб кетишибди. Сиз ҳам алам билан ҳакамни сўкармишсиз: “қиз-талоқ!” деб.

ТЕШАВОЙ: Дарвозабонлар мураббийи дегани бор-у, сиз ўшанинг беданаси экансиз. Дарвозабон “тўпга қандай отилай?” деб сўраса, эгангизнинг ўрнига сиз сайраяпсиз: “кўн-даланг!” деб.

БОЛТАВОЙ: Сиз мураббийниг беданаси экансиз. Эгангиз ўйин пайти майдон четига келиб бир футболчисини сўкиб турса ақл ўргатармишсиз: “об-ташанг!” деб.

ТЕШАВОЙ: Сиз мухлис бедана экансиз, мухлис бўлгандаям бақироқ мухлис экансиз. Ўйин пайти ҳакамни тинч қўймасмишсиз: “иш-тараф!” деб.

БОЛТАВОЙ: Сиз эса футболчининг беданаси экансиз. Клубнинг эгангиздан қарзи кўпайиб кетибди, мавсум якунланса ҳам клуб қарзини тўлашни пайсалга солармиш. Сиз эса эгангизга ақл ўргатармишсиз: “қис-таланг” деб.

Киритилган сана: 26.02.2012 16:16. Ўкилди: 11229 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.


счётчик