Жанубий Корея ва Ўзбекистон миллий терма жамоалари ўртасидаги ўртоқлик ўйинининг биринчи бўлими якунланди. Ҳозирча ҳисоб — 1:1.

Ўйиннинг 15-дақиқасидан бурчакдан етказилган узатмани Ку Жа Чол бош билан дарвозага йўллаб, ҳисобни очди. 31-дақиқада эса ҳисоб тенглашди. Чиройли комбинация натижасида Жепаровнинг узатмасидан кейин Рашидов бирга бир вазиятга чиқиб кетди. У дарвозабонни алдади ва ўткир бурчак остида дарвоза яқинига узатма берди. Қўзибоев тиззаси билан муваффақиятли зарба бера олмади. Аммо тўп ҳимоячининг оёғига теккан ҳолда астагина чизиқни кесиб ўтди! Ҳакам тўпнинг чизиқни кесиб ўтганини кўра олди. Шу тариқа, "Машъал" ҳужумчиси терма жамоадаги дебют ўйинда гол уришга муваффақ бўлди.

Мазкур ўйиндан матнли онлайн трансляция ташкил этилаётганини эслатиб ўтамиз.

Ўртоқлик ўйини
ЖАНУБИЙ КОРЕЯ - ЎЗБЕКИСТОН - 1:1 (1-бўлимдан сўнг)
Голлар: Ку Жа Чол (15) — Зоҳир Қўзибоев (31)
Жанубий Корея: 23.Ким Сенг Гю, 20.Жеонг Донг Хо, 5.Квак Тэ Хви, 15.Ким Ки Хи, 21.Юн Сук Йонг, 7.Сон Хеунг Мин, 11.Ким Бо Кюнг, 14.Хан Ку Кйонг, 13.Ку Жа Чол, 17.Ла Жэ Сунг, 18.Ли Жонг Хёп
Ўзбекистон: 1.Элдор Суюнов, 5.Анзур Исмоилов, 3.Шавкат Муллажонов, 2.Акмал Шораҳмедов, 22.Фаррух Сайфиев, 7.Азиз Ҳайдаров, 9.Одил Аҳмедов, 8.Сервер Жепаров, 10.Сардор Рашидов, 23.Шавкат Саломов, 19.Зоҳир Қўзибоев