"Атлетико" бош мураббийи Диего Симеоне Испания чемпионатининг янги мавсумида "Реал"нинг чемпион бўлиши ҳақида фикрлар билдиришда давом этмоқда.
Аргентиналик мутахассис бу сафар эҳтиёткорроқ бўлди.
"Реал"нинг миллий чемпионатда ғалаба қозонмаслигига ишониш қийин. Улар чемпионатга алоҳида тайёргарлик кўришмоқда. Бу жамоанинг таркибида энг яхши футболчилар бор, шунинг учун бу жамоанинг ғалабаси мантиқийдир. Улар ғалаба қозонмасликлари мумкинмас. Етти йилда бир марта чемпионлик - бу жуда кам", - дейди Симеоне.
Аввалроқ, Симеоне янги мавсумда Примера чемпионлиги "Реал"га олиб берилишига шаъма қилганди.
