«Челси» бош мураббийи Жозе Моуриньо «Ювентус» ярим ҳимоячиси Поль Погбанинг сотиб олиниши ҳақидаги хабарни инкор қилди.
«Погба атрофидаги ажиотаж босим ўтказиши керак эмас. У жаҳоннинг энг яхши футболчиларидан бири. У қайси жамоага ўтса ҳам, ўша клубни автоматик равишда кучайтиради. Агар «Ювентус»да қолса, туринликлар кучли жамоа сифатида қоладилар.
Лекин бу фикр бизга тегишли эмас. Биз Чех ўрнига Беговични, Дрогба ўрнига Фалькаони олиб келамиз. Ҳамма Погбага қизиқмоқда. Лекин амалга оширса бўладиган ишлар бор, амалга ошириб бўлмайдиган нарсалар бор. Масалан, менга Эйфел минораси ёқади, аммо мен уни ўз боғимга ўрната олмайман. Мен ҳаттоки Лас-Вегасдаги минорани ҳам ўз уйимга ўрната олмайман», — дейди Моуриньо.
