Ўзбекистон миллий терма жамоасининг собиқ сардори Максим Шацких бундан бир муддат аввал Украинанинг Львов вилояти чемпионати иштирокчиси “Рух” клуби билан шартнома имзолаган эди. Ҳамюртимизнинг айтишича, унга Англия клубларидан қизиқиш бўлаётган экан.

“28 июль кунидан “Рух” мавсумга тайёргарликни бошлайди. “Астана”да омадсизликка учрадим. “Арсенал”ни тугатишди. “Говерла”даги бир ярим йиллик машмашалар, очиғи, мени тинимсиз омадсизликлар таъқиб этяпти. Шу ўринда Англия клубларидан таклиф тушаётганини ҳам айтиб ўтишим лозим. Лекин ҳали ҳеч нарса ҳал бўлгани йўқ. Янгилик бўлиши билан бу ҳақида хабар бераман”, - деди Шацких.

Бундан бир неча кун аввал ҳамюртимизнинг агенти Сефер Алибаев ҳам Шацкихга Англия клублари қизиқаётгани ҳақида маълумот бериб ўтганди.