«Манчестер Юнайтед» бош мураббийи Луи ван Гал Халқаро чемпионлар кубоги доирасида «ПСЖ»га қарши ўйиндан кейин интервью бераркан, ҳамон Ди Мариянинг қаерда эканини билмаслигини таъкидлаб ўтди.
«Сиз мендан бу ҳақда ҳар ҳафта сўрашингиз мумкин, аммо жавоб бир хил бўлади. Унинг қаердалигини балки сиз биларсиз? Мен ҳам билмайман.
Бланнинг изоҳи («ПСЖ» бош мураббийи Ди Мария паржиликлар сафига ўтишга яқин эканини айтиб ўтганди)? Билмадим. Мен Блан эмасман. Бундай саволларга жавоб беришни истамайман.
«Манчестер Юнайтед» фақат амалга ошган трансферларни эълон қилади», – дейди ван Гал.
