Кеча «Бухоро» жамоаси Тошкентда навбатдаги йиғинга киришди.
Жамоада селекция ишлари ҳамон давом этмоқда. “Олмалиқ” жамоасидан таклиф этилган ҳужумчи Алишер Шоғуломов “Бухоро” лагерини тарк этди. Бу қарорни футболчи ва мураббийлар ўзаро келишган ҳолда қабул қилишди.
Айтиш керак-ки, Шоғуломов қисқа давр ичида бухороликлар билан ажойиб муносабат ўрнатди ва жамоа билан хайрлашиш ҳам шунга монан тарзда кечди. Мураббийлар штаби, футболчилар ва жамоа раҳбарияти футболчининг келгуси фаолиятига омад тилаган ҳолда хайрлашишди.
“Бухоро” ПФК жамоаси Алишер Шоғуломовга омад ва зафарлар тилайди.
