“Ўйин асабий тарзда ўтди. Кўп нарса ўхшамади. Ўтказиб юборилган голдан сўнг тезда гол урганимиздан хурсандман. Балки бугунги ғалаба йигитларга руҳан ёрдам берар. Ўз футболчиларимга миннатдорчилик билдираман. Жамоага ғолиблик руҳияти етишмаяпти. Иккинчи бўлимда рақиб бир марказий ҳужумчи билан қолгани учун тактикани ўзгартирдик. Тўп назоратини ўз қўлимизга олишга уриндик. Ҳужумларда иш юришмаса узун паслар билан ўйнаш керак. Ҳимояга ўтиб олганимиз туфайли рақиб гол уриб кетди. Бу сафар омад бизга кулиб боқди.

Зафар Тўраевнинг майдонга тушгани ўйинимизни бироз кучайтирди. Зоҳир Қўзибоев анчадан буён гол ура олмаяпти, тўғри ҳужумчининг қисмати шу. Кўп гол урсанг барча гапиради, кўп вақт гол ура олмасанг ҳам гапиришади. Умид қиламизки унинг қора серияси ортда қолади”, – дейди Хомяков.