Франция терма жамоаси бош мураббийи Дидье Дешам Евро-2016 чорак финалида Исландия устидан қозонилган ғалабадан сўнг (5:2) фикр билдирди.
"Биз мухлисларга 90 дақиқалик завқ улашдик. Ярим финалда ҳам бундан кам бўлмаган завқ улашамиз деб умид қиламан. Германия - жаҳон чемпиони, ҳозирда жнг кучли терма жамоа. Улар Италияга қарши кучли ўйин намойиш қилдилар, энди бизни катта ўйин кутиб турибди. У ўйин Исландия билан учрашувда фарқ қилмайди десак, хато фикр бўлади.
Мен ярим финал учрашувига қандай тактика қўллаш ҳақида жиддий ўйлашим керак. Йоахим Лёв ҳам Италияга қарши тактикани ўзгартирди, учта марказий ҳимоячи бўлган схемани қўллади ва бу жуда яхши самара берди. Биз ҳаммасини таҳлил қилиб, жнг яхши вариантни танлашимиз керак. Ҳозирча фахрланишга арзигулик иш бажарганимиз йўқ, олдинда жиддий ўйинлар кутиб турибди", - дейди Дешам.
Яримфиналда Франция-Германия учрашуви 7 июль куни бўлиб ўтади. 6 июль куни Португалия ва Уэльс бошқа яримфинал учрашувини ўтказадилар.