Уэльс терма жамоаси бош мураббийи Крис Коулман Англия терма жамоаси бош мураббийи вазифасига таклифни кўриб чиқмаслигини маълум қилди.
"Англия терма жамоасида ишлаш? Буни хаёлимга ҳам келтирмайман. Мен қон-қонимгача уэльсликман. Мен бошқаришим мумкин бўлган ягона терма жамоа - бу Уэльс.
Уэльс терма жамоасидан сўнг кучимни чет элда синаб кўраман. Агар чемпионлар лигасида иштирок этадиган клуб бўлса зўр бўлар эди. Бошқа терма жамоа билан ишламайман", - дейди Коулман.