Уэльс терма жамоаси бош мураббийи Крис Коулмэн Европа чемпионати ярим финалида Португалия терма жамоасига имконият бой берилгандан сўнг, шогирдларининг мусобақадаги иштироки ҳақида ўз фикрларини билдириб ўтди.
"Мен ўз жамоам билан жудаям фахрланаман. ҚАнчалик фахрланишимни сўз билан таърифлаб бера олмайман. Ярим финал - Уэльс терма жамоаси учун жудаям катта натижа. Шундай натижа-ки, биздан буни ҳеч ким кутмаган эди. Лекин, биз биргаликда мана шундай натижага 200 фоиз арзийдиган хизматни қилдик."
"Бэйл? У ҳам инсон. Бэйл қўлидан келганча ўйнади. Доимгидек бор имкониятларини ишга солиб ҳаракат қилдива майдонда худди жангда қон кечгандай кураш олиб борди. Лекин унинг бир ўзи ўйинда ғалаба қозона олмасди. Гарет турнирни ажойиб ўтказди. Мен унинг қаршисида тиз чўкишга ва чексиз миннатдорчилик билдиришга тайёрман".
