"Вест Ҳэм" бош мураббийи Славен Билич Евро-2016 мусобақасида Франция терма жамоаси таркибида ажойиб ўйин кўрсатаётган Димитри Пайет борасида фикрларини билдирди.
"Пайет Европа чемпионатида ёрқин ўйинлари билан бошқа клублар диққатини ўзига тортаётгани табиий. У мусобақанинг энг асосий юлдузларидан бири бўлди. Унинг атрофида бўлаётган миш-мишлардан ҳайрон қолмаслик керак. Мен ҳатто клубимиздан кетиб қолмаслиги учун унинг Европа чемпионатида порламаслигини истаётганим ҳақида хабарни ўқидим.
Мен унинг янада яхшироқ ўйнашини истайман. Ярим финал ва финалда учтадан гол уришини истайман. Ўшанда албатта, катта клублар бизга таклиф билан чиқишади, аммо мен ундан айрилишни истамайман. Мен у билан уч ҳафтадан буён ёзишиб туррибман, у бизнинг клубда бахтиёр. У "Вест Ҳэм" ўйинчиси", - дейди Билич.
