«Ливерпуль» бош мураббийи Юрген Клопп янги мавсум учун, катта эҳтимол билан, ҳужумчи Марио Балотеллига умид боғламаяпти.
25 ёшли ҳужумчи «қизиллар»нинг бешинчи дивизион вакили — «Транмер Роверс» жамоасига қарши бугунги назорат ўйини учун мўлжалланган таркибига киритилмади.
Италиялик футболчи ўтган мавсумни ижара асосида «Милан»да ўтказди, бироқ ёзда инглиз клуби ихтиёрига қайтиб, жамоа билан бирга мавсумга тайёргарликни бошлаган эди.
Балотеллининг «Ливерпуль» билан шартномаси 2017 йил ёзига қадар мўлжалланган, бироқ у, кўп эҳтимол билан, шу йил ёздаёқ бошқа бир жамоага ўтиши мумкин.
