"Арсенал" бош мураббийи Арсен Венгер Англия термасини бошқариши мумкинлигини инкор қилмади.
Англия терма жамоасининг олдинги бош мураббийи Европа чемпионатидаги қониқарсиз натижадан сўнг истеъфо берган эди.
"Англия терма жамоасини бошқаришим мумкинми? Нима учун йўқ? Буни инкор қилмайман. Аммо мен клуб футболида бахтиёрман ва диққатимни шунга қаратганман. Тўғри, Англия - менинг иккинчи уйимга айланган. "Арсенал" билан шартномам 2017 йилгача тузилган. Мен ҳар доим шартномамни ҳурмат қилганман ва шунда давом этаман. Шартномам тугагач нима бўлади, билмайман", - дейди Венгер.
