"Челси"нинг янги бош мураббийи Антонио Конте бугун биринчи матбуот анжуманини ўтказди ва клубдаги дастлабки таассуротлари билан ўртоқлашди.

"Бу ерда бўлиб турганимдан жуда хурсандман. Янги мавсум бошланишини сабрсизлик билан кутяпман. Бу менинг ҳаётим ва фаолиятимда янги босқич. Янги мамлакатда, дунёдаг энг фийин чемпионатда ишлаш имкониятимдан хурсандман. Бу ерда ғолиблик учун олти-етти жамоа курашади. "Челси" - ажойиб жамоа, уни бошқараётганимда фахрланаман.

Бу менинг клуб базасидаги иккинчи куним, кўрганларимда жуда мамнунман. Ўйинчиларнинг кайфияти менга ёқди. Терри - бизнинг сардоримиз. У харизмага эга ажойиб инсон ва футболчи. У клуб ҳақида кўп нарсани билади. У шартномасини узайтирганидан хурсандман.

Охирги мавсум омадсиз келди. Буни биламиз, аммо ўтмиш билан ўралашиб қолмаслик керак, бунинг ўрнига келажакда яхши натижаларга эришиш учун яхши ишлаш керак. Чемпионлик учун курашамиз, бизнинг ўрнимиз - чемпионлар лигасида, биз у ерда ҳар доим бўлишимиз керак", - дейди Конте.