"Ливерпуль" бош мураббийи Юрген Клопп жамоаси таниқли футболчиларга муҳтож эмаслигини маълум қилди.
"Ливерпуль"га юлдуз ўйинчилар керак эмас. Биз ўз қўлимиздаги футболчиларга эътибор беришимиз керак ва улар билан ишлашимиз керак. Мен жамоадан юз фоиз мамнунман. Трансферлардан одамлар кўп нарса кутишмоқда. Ҳамма таниқли футболчилар келишини кутмоқда, аммо ҳеч ким ўтган мавсумдаги мазмунли ўйинимизни эсламаяпти.
Ҳамма "Юнайтед" ёки "Сити"нинг кимнидир сотиб олганини, "Ливерпуль"га эса нотаниш футболчилар келганини муҳокама қиляпти. Биз учун жамоани келаси мавсумга тайёрлаш муҳимроқ ва биз танлаган йўлимизни тўғрилигини исботлашимиз керак", - дейди Клопп.
