«Интер» президенти Эрик Тохир бош мураббий Роберто Манчинини жамоада олиб қолмоқчи эканини билдирди. Бироз олдинроқ, Роберто Манчини Россия терма жамоасини бошқариши мумкинлиги ҳақида хабарлар тарқалган эди.
«Кейинги ҳафтада Манчини билан учрашаман. Сўнгги пайтларда у ҳақдаги янгиликлар кўпайиб кетди. Такрорлайман, Манчини бизнинг асосий суянчиғимиз, юлдузимиз. У билан Чемпионлар лигасига чиқмоқчимиз, шунингдек Европа лигаси ва Италия кубогида юқори натижаларга эришмоқчимиз. Раҳбарият Манчини билан бирга кейинги мавсум учун жамоани кучайтириш борасида иш олиб боради» - деди Тохир Football Italia хабарига кўра.
