«Барселона» бош мураббийи Луис Энрике жамоа ҳужумчи сотиб олишни режалаштираётганини тасдиқлади.
«Биз ўз олдимизга энг юқори мақсадларни қўямиз. Барча совринлар учун курашишни ва «Барса»нинг бутун дунёдаги мухлисларига қувонч улашишни истаймиз», — деди Луис Энрике.
«Биз ўзимизни ривожлантиришда давом этамиз. Жамоамиз аввал ҳам яхши эди. Биз уни кучайтирдик ва янада яхшироқ бўлдик», — деди «Барселона» устози.
«Ҳақиқатан ҳам «Барселона» ҳужумчи изламоқда. Иштиёқи юқори бўлган, истаги фақат гол уриш бўлган футболчини олишни истаймиз. Менга жарима майдончаси ичида ҳаракат қиладиган ва гол ура оладиган тоза ҳужумчи керак», — дея қўшимча қилди Луис Энрике.
