Англия терма жамоасига бош мураббий қилиб тайинланган Сэм Эллардайс бу борада ўз фикрларини баён қилди.
«Англия терма жамоасини бошқариш мен учун шараф. Яширмайман, бу лавозимни эгаллашни ҳар доим орзу қилганман. Бу инглиз футболидаги энг яхши иш.
Англия терма жамоаси яхши натижаларга эришиши ва муваффақият қозониши учун бор кучимни сарфлаб ишлайман. Аввало мамлакат ва халқ фахрланиб юрадиган иш қилмоғимиз даркор.
Диққат эътиборни миллий терма жамоага қаратаман, бироқ ёшлар маркази ишига ҳам таъсиримини ўтказаман. Биламан, бизда ёш ва терма жамоага садоқатли футболчилар бор. Энди уларга ўзини намоён қилиш вақти етди» - деди Эллардайс.
