«Лестер» бош мураббийи Клаудио Раньери яримҳимоячи Риёз Маҳрез клубда қолишини билдирди. Маҳрез «Халқаро чемпионлар кубоги-2016» доирасидаги «Селтик» (1:1, пен. 6:5) клубига қарши ўйинда гол урган эди.
«Мен ҳар доим хотиржамман. Риёзни қанчалик бахтиёр эканини кўрдингизми? У жуда яхши ўйнади, гол урди. У ҳеч қаерга кетмайди. Маҳрез жамоамиз юлдузи, уни ушлаб қолиш биз учун жуда муҳим. Агар у бошқа жамоага ўтиб кетса, у ерда захирада қолишиям мумкин. Шунинг учун ҳам мен билан қолгани маъқул» - деди Раньери.
Аввалроқ, Маҳрез 50 миллион евро эвазига «Арсенал» клубига ўтиши ҳақида хабарлар тарқалган эди.
