«Манчестер Сити» бош мураббийи Хосеп Гвардиола бўлажак мавсумда ким жамоа сардори бўлиши ҳали аниқ эмаслигини маълум қилди. Эслатиб ўтамиз, бунгача сардорлик боғичи Венсан Компанига тегишли эди.
«Сардор ким бўлишини ўйинчиларнинг ўзи аниқлаши керак. Қарорни улар қабул қилиши лозим. Агар Компани жароҳат ёки менинг қарорим сабаб ўйнай олмаса, бу муаммога айланмаслиги керак», — деди Гвардиола.
«Бизда Харт, Туре каби катта тажрибага эга футболчилар бор. Мен футболчиларнинг ўзаро муносабатларига аралашмайман. Улар сардорни ўзлари танлаши керак, чунки бир-бирларини мендан кўра яхшироқ билишади», — деди мураббий.
