«Милан» клубининг собиқ футболчиси, ҳозирда «Пиза» бош мураббийи Женнаро Гаттузо янги мавсумда чемпионлик учун кураш янада қизиқарли ўтишига умид билдирди.

«Умид қиламанки, янги мавсум олдингисига қараганда қизиқарлироқ бўлади. «Ювентус»нинг ғалабаларидан чарчаб кетдим. Англия премьер-лигасига қаранг, «Лестер» мўъжизаси чемпионатга бўлган қизиқишни орттирди. Лекин улар бу муввафақиятни яна такрорлай олишмайди. Чемпионат қандай тугайди? «Ювентус», «Наполи», «Рома», кучли учлик шундай бўлади» - деди Гаттузо.