«Краснодар» бош мураббийи Олег Кононов Европа лигаси учинчи саралаш босқичидан ўрин олган Мальтанинг «Биркиркара» (3:0) клубига қарши ўтказилган ўйиндан сўнг ўз фикрларини билдирди.
«Айни пайтда асосий вазифа гуруҳ босқичига чиқиш. Кейин босқичма-босқич вазифа қўйиб борамиз. Бош мақсад – иложи борича узоқроққа бориш. Ўйлашимча, жамоа бу мусобақада ғолиб чиқиш учун тайёр. Биз барча футболчиларнинг тайёргарлигини бир маромда ушлаб туриш учун таркибни доим ўзгартириб туришимиз керак.
Бугунги ўйин яхши бўлди. Сафардаги ғалаба ҳар доим муҳим. Рақиб кучли иштиёққа эга эди, биз эса хотиржамлик ва совуққонлик билан ўйнадик» - деди Кононов ТАСС хабарида.
