«Манчестер Юнайтед» бош мураббийи Жозе Моуриньо «Галатасарой» клубига қарши ўтказиладиган ўртоқлик ўйинидан олдин ўз фикрлари билан ўртоқлашди.
«Футболчилар аъло кайфиятда. Биз кунига икки маҳал машғулот ўтказдик, бироқ футболчилар якшанба куни бўлиб ўтадиган ўйинда чарчаб қолишмайди деган умиддаман. Ҳозир машғулотларга зўр бериб, янги мавсум бошлангунга қадар формамизни тиклаб олишимиз керак. Бизда йўқотишлар ҳам бор. Фоссу-Менса жароҳатидан фориғ бўлиши керак. Смоллинг эса жароҳатини яна янгилаб олди, катта эҳтимол билан у «Борнмут»га қарши ўйинни ўтказиб юборади» - деди Моуриньо клуб расмий сайтида.
