«Манчестер Юнайтед» бош мураббийи Жозе Моуриньо клубнинг янги футболчилари ҳақида ўз фикрини билдирди.
«Златан ўзига юқори баҳо берувчи, димоғдор инсон. Аммо бу ижобий томондан намоён бўлади. Иброҳимович жамоа билан бирга бўлганида ўзини камтарона тутади ва барча билан дўстона муносабатда бўлади. У жамоага осон қўшила олди.
Златан – фантастик футболчи. Машғулотларда у ўзини жуда яхши томондан намоён эта олди. У футболчилар билан боғлана олиш қобилиятига эга. Иброҳимович ва Мхитарян инглиз тилида эркин гапиришади, улар тажрибали йигитлардир.
Байи инглиз тилини яхши билмайди. Бироқ у французча ва испанчани билади, бу ҳам жамоадошлари билан мулоқотда ёрдам бермоқда. Эрик кундан-кунга кўп нарсани ўрганиб бормоқда», – деди португалиялик мутахассис.