“Ливерпуль” бош мураббийи Юрген Клопп жамоасининг “Милан” устидан қозонган ғалабасидан (2:0) сўнг ўз фикрлари билан ўртоқлашди. 

“Биринчи таймда ажойиб ўйин кўрсатдик, ҳаммаси тўғри кетди, бироқ узоқ вақт давомида гол ура олмадик. Вазиятлар юзага келди, лекин гол бўлмади”, — деди “Ливерпуль” бош мураббийи. 

“Узун тўп узатишлардан ҳаддан зиёд кўп фойдаландик, бу сабрсизлик оқибати. Бу билан ўзимизга ўзимиз муаммо яратяпмиз. Лекин, вазият бўлса, гол ҳам бўлади. Охир-оқибат, устунликни голларга айлантира олдик”, — деди Клопп.