«Лестер Сити» бош мураббийи Клаудио Раньери «ПСЖ»га қарши учрашув таассуротлари билан ўртоқлашди.
Халқаро чемпионлар кубоги доирасида бўлиб ўтган «ПСЖ» — «Лестер» учрашувида Англия клуби 0:4 ҳисобида имкониятни бой берди.
«Бугунги мағлубият биз учун яхши дарс бўлади, деб ўйлайман. «ПСЖ» Чемпионлар Лигасида ғолиблик учур курашмоқчи бўлаётган яхши жамоа. Боз устига, улар ҳозирча биздан кўра яхшироқ тайёргарликка эга», — деди Раньери.
«Биз рақибни прессинг билан қарши олишга ҳаракат қилдик, бироқ уринишларимиз тайинли натижа бермади. Ҳа, натижа ёмон бўлди, бироқ айнан шу мағлубият сабаб биз янада яхшироқ бўлишимиз мумкин», — деди италиялик мутахассис.
«Ҳозирги вақтда биз ўтган мавсумдаги каби яхши ўйин кўрсата олмаймиз, бироқ шу ўйинимиз ва шу натижа июлнинг охири учун нормал ҳолат», — дея қўшимча қилди Клаудиро Раньери.
