Англия терма жамоасининг янги бош мураббийи Сэм Эллардайс "МЮ" ҳужумчиси Маркус Рэшфорднинг мунтазам майдонга тушишини истамоқда.

"Рэшфорднинг ўйинини кўришни истайман, аммо у ўтган мавсумдаги чизиқда ўйнай олмайди. У иқтидорли йигит, умид қиламанки, Жозе буни пайқай олади ва Маркус ўтган мавсумдаги каби майдонга тушади.

Аммо Жозенинг вазифаси "МЮ" билан совринлар ютишдан иборат. У бир қанча ажойиб ўйинчилар, жумладан, Иброҳимовични олиб келди.

АПЛда ёшларни майдонга тушириш осон иш эмас, чунки хато жуда қимматга тушади, аммо Рэшфорднинг ўйинига боқинг.

Тўғрисини айтсам, агар ўтган йили "Митьюленд"га қарши ўйин олдидан Марсиал жароҳат олмаганида, биз Англия терма жамоасида ўйнаётган йигитчани кўрмас эдик. Биз Рэшфорднинг иқтидори очилишига ёрдам беришимиз керак", - дейди Эллардайс.