«Арсенал» бош мураббийи Арсен Венгер бўлажак мавсумнинг жамоа ярим ҳимоячиси Алекс Окслейд-Чемберлен учун муҳим эканини қайд этиб ўтди.
«Бу — Окслейд-Чемберлен учун жуда муҳим мавсум бўлади. У жуда узоқ вақт давомида майдондан ташқарида қолиб кетди. Уни кўпдан бери жароҳатлар таъқиб қиляпти, айнан шу сабаб билан Евро-2016ни ҳам ўтказиб юборди: агар тўла соғлом бўлганида, албатта Англия таркибидан ўрин олган бўларди», — деди мураббий.
«Шу сабаб, мен уни жуда эҳтиёт қиламан: дастлабки даврда Алекс 45 дақиқадан ўйнайди, кейинроқ ўйин вақтини бир соатга, яна кейинроқ 70 дақиқагача оширамиз. Умид қиламанки, Англия чемпионати стартигача у тўлиқ ўйнашга тайёр бўлиб қолади», — дея қўшимча қилди Арсен Венгер.
