«Сандерленд» клубининг янги бош мураббийи Дэвид Мойес «Манчестер Юнайтед» клубида ишлаган даврини эсга олди. У бор йўғи 10 ой ишлаганидан сўнг истеъфога чиқарилган эди.

«Ҳеч ким топ-клублар бўлмиш «Реал», «Барселона» ёки «Манчестер Юнайтед»дан асоссиз таклиф олмайди. Мен буни бир неча марта айтганман, «Манчестер Юнайтед»дан истеъфога чиқарилишим адолатдан бўлмаган. Мен 6 йиллик шартнома имзолагандим, бироқ 10 ой ишладим холос. Албатта бу адолатдан эмас. «МЮ»да ўтказган давримда юқори даражада ишлаш қанақа бўлишини билиб олдим. Мен бундай даражада ишлай оламан, бу менинг даражам» - деди Мойес.