«Манчестер Сити» бош мураббийи Хосеп Гвардиола жамоа таркибига янги қўшилган ярим ҳимоячи Лерой Сане ҳақида фикр билдирди. 

«Сане — ўзига хос, алоҳида истеъдод эгаси. Мухлислар унинг ўйинидан завқ олишади. Унинг техник имкониятлари аъло, у тўп билан ўзини қулай ҳис қилади, ўйинини кўриб, ҳурматинг ошади», — деди Гвардиола. 

«У тезкор, жамоадошлари учун вазиятларни юзага келтиради, жамоа учун ишлайди ва голлар уради. У бизнинг таркибимизга жуда мос келади. У 20 ёшда, ривожланишда давом этмоқда, бироқ ҳозирданоқ Германия термасида ўйнаяпти», — деди Гвардиола. 

«У бизнинг жамоамизга қўшилишга қарор қилганидан жуда хурсандмиз. У таркибимизни фантастик равишда тўлдира олади», — дея қўшимча қилди «Манчестер Сити» бош мураббийи Хосеп Гвардиола.